कौशल्यातून करिअर घडविणारे ‘लाईट हाऊस’

माझ्या संकल्पनेतून उभा राहिलेला अभिनव प्रकल्प म्हणजे ‘लाईट हाऊस’. ‘लाईट हाऊस’ प्रकल्पाचा मुख्य उद्देश पुण्यातील वंचित तरुणांना, त्यांची कौशल्ये विकसित करून त्यांना करिअरच्या योग्य मार्गावर नेणे हा आहे. याद्वारे १८ ते ३० या वयोगटातील युवक–युवतींना रोजगाराच्या संधी उपलब्ध करून दिल्या जातात. या प्रकल्पात आत्तापर्यंत १,५०० पेक्षा जास्त युवक–युवतींनी प्रवेश घेतला आहे. या प्रकल्पाअंतर्गत ५० हून अधिक अभ्यासक्रम चालविले जातात. होम शेफ, नर्सिंगपासून ते आयटीआय कौशल्ये आणि इतर रोजगाराशी संबंधित कोर्सेसचा समावेश यात होतो. पुणे महानगरपालिका आणि ‘पुणे सिटी कनेक्ट’ यांच्या संयुक्त विद्यमाने हा उपक्रम राबविला जात आहे.